حـلـم .. مـاكـمـلـش
.....................
كنت ف يوم م الأيام بحلم
هقولكم بس ماتضحكوش
قال ايه أنا والدنيا .. بنتكلم
بس كلامنا ماكملناهوش
هحكيلكم قولتلها ايه :
نفسى يا دنـيـا نتصاحب
أحـبــك .. وتـحـبـيـنـى
نفسى أنا وانتى نـتعـاهد
تساعدينى ومـاتـبـكـينى
وأنا بوعدك هكون مـتـفـائـل
بس اوعى ف يوم تخونينى
هـاحــب الـنـاس كـلـهـم
ولا عمرى هقسى على حد
إفتحى حضنك ويايا نضمهم
ونمسح أى دمعة ع الخد
هعمر صحارى وأزرع جناين
وأعطف على كــل فـقـيـر
نفسى أعيش مستور مش متداين
نفسى يكون عندى قلب كبير
عندى أحلام نفسى أحققها
بس خايف تُـغـدرى بيا
غدرك من كتر ما مررها
نسانى طـعـم الحنية
عاهدينى تساعدينى
وتـديــنــى الأمـــل
ماهو لو بس مرة تفرحينى
هنسا كل اللى منك حـصـل
فجأة سمعت صوت بيقولى إتنيل
وكوباية مية كبيرة إتدلقت عليا
أتـارى الـلــيــل قرب يـلــيــل
وأمى كانت بتصحى فيا م الفجرية
فتحت عـنـيـا ومسحتهم بـإيـديـا
قولت ياريت الحلم كان طول شوية
لما أشوف آخرتها فـالـدنـيـا ديــا
تــــم نقـــل هذا المنتدي إلي موقع آخــــر ... 
السبت يوليو 05, 2014 4:39 am
