لوناسى (2)

موضوع: لو ناسى..بأفكرك (2)    الخميس نوفمبر 14, 2013 1:41 am تشغيل/تعطيل الإقتباس المتعدد رد مع اقتباس نص المساهمة تعديل/حذف هذه المساهمة
لو ناسى . بافكرك  (2)

!!يا أولادى .. لا نحب بالكلام ولا باللسان .. بل بالعمل والحق ..
(1يو3 :Cool


يارب
إفتح عينى لكى أراك ..
فأسلك فى الطريق المستقيم ولا أعثر ..
علمنى كيف أمشى فى النور كما أنت النور !!
هبنى قلبا أبيضا مملوءا حبا وحمدا وشكرا
فيكون فنارا مضيئا يراه الناس فيطمئنوا إلى صحبتى ورفقتى
فلا أعيش وحدى !!
آمين


وإن كنت ناسى
صفحتى بتفكرك
وبتكتب لكل صديق وحبيب ..
كتب لى من أسبوعين فى الألبوم
أهلا
ياريت تقرا يا غالى مكتوبى وتسمعنى
وتردوا على


تزعلوا لو قلتلكم
الكلام أحيانا بيعاتب ..
وبيسأل ليه ؟
راحوا فين الأحباب
ليه بعد السلامات ضنيتو عليه !!
؟؟؟؟؟؟؟


الصفحة كانت من أسابيع وسعاية
فيها ساكن العشرات
بتشجع وتواسى
ونستكم  غالية
عشان كدة صفحتنا عشمانة.. .
ياترى.
وصل المعنى ؟؟
>>>>>


لكن موضوعنا النهاردة أهم
بأفكرفيه .. وبأفكركم
مينفعش يا غالى تعيش وحدك..
والباب قافله عليك


الصداقة الحقيقية غالية
ومطلوبة
كتير م. الناس مشيوا فرادى .
كانوا فى الحفلة
معازيم
لمصالح
من غير صداقات
بروتوكول بالسنتى و مرسوم
نالوا المطلوب
وإنفضت حفلتهم بدرى
ورجعت وحيد


إنطفت الأنوار
وإتقفلت بوابة القصر..
والليل باعت كوابيسه..


يا غالى
لو ناسي الصحبة الحقيقية  ونبل الأصحاب
عمر م. الحفلة
ح. تسهر معاك عمرك وتعيش..
متونس


لو كنت فى كوخ
خلى فى حياتك
ع. الأقل صديق ..


إختار تحبه
وتقدم له المعروف
جرب وصفتى وشوف المردود ..    

لو تفضل ناسى ..
حتمشى فى السكة وحيد ..
حتخاف !!
بأشاور لك على النجوم  فى السما
شايف مرصوصة إزاى؟ ..


بنزعل لما نلاقى فيها وحيد..
شايفينه بالعافية
لكن رصتهم المتجاورة
بتتشاف لبعيد
لوحة جميلة
ونسة للى يخاف !!


جرب تعيش ومعاك فى حياتك صاحب..
تديله قبل ما تاخد
موش خيابة  زى ما يسميها الناس
لأ
دى شطارة


بالصاحب
بأفكرك لو ناسى
وإفضل واعى
وصاحى


خليك فى يوم نور يقود صاحبه فى ليل  !!
حاييجى ميعاد يكون لك هو ..
بمعرفته دليل !!


النهاردة
شيل عنه الشيلة..
دى تقيلة عليه
بكرة تندهله
حيرد عليك
.......
قدم المعروف وإنت فرحان  
ومن غير ليه ؟؟    
بالحنو تمسح من عينيه دمعاته
سايلة
على خديه
حتلاقى
قلبك يا محبوب نور
والحب فيه توب مستور
ربانى
زى مسيحنا ما قال !!  
إكسونى ..


جرب تعيش بالصداقة الغالية
وخلى معانيها فى حياتك عالية ..


و الرحمة والعطا من جواك تدى
كل جديد
وشوف الأيام
كلها عندك عيد


بأفكرك لو ناسى
الأيام ومن خبرة
كانت فى حياتى العبرة..
شايلهالك
النهاردة ب أكتبهالك


..........
كانوا فى يوم عشرة أصحاب
خدعنى منهم واحد


بالديون سابنى فى بحركبير
لا قادر  أجدف له بقارب ولا عارف أعوم




يومها قلت
ع. الصداقة أنا مستغنى
عن كل ( اللمة )
........


بأكتب لك النهاردة وبأفتكر
كنت أنا الغلطان


مشفتش تسعة
ع. الوفا كانوا باقيين

فى غرقتى
شافونى
مدوا إيديهم
غطونى


غلطان لو يوم قلت يا غالى
فى غضبتك
حأفضل وحدى
وماليش أصحاب
خايف تندم
وتتوه م. الأحباب
......


صفحتى صاحيالك النهاردة و بتفكرك ..
ميز والعيون تبقى بصيرة
موش كل ساكن شايفه ياغالى  
تنفع معاه الجيرة .


المتأدب والعفوف بيبان ..
لا اللئيم ينفعك
ولا طويل اللسان


بكرر وأقول
إختار م. الأفاضل
صحبتك
وراقب كل يوم عشرتك
لا تتمرر ولا تتكدر
.......
أفكرك لو ناسى
خلى فى بساتينك أحلى الوردات
من غالى الصداقات
وحافظ على قارورة الناردين الفواح
جوة خزانتك
أتنسمها !!
أقصد بابك ..


أصلك غالى وحتفضل غالى
وأنا عايزمقامك
يفضل عالى
 
حبايبى .
الطريق لسة طويل .
فى الحياة راح نمشيه
عايز الونسة
فى سكتنا ياما ح.نشيل
وكمان حنسيب ونستغنى


نبعد وح. نقرب
ونترك ونتغرب
إوعى تستغرب
.....
وصية إلهنا لما تقول
نجاوب  لما نسمعها
أسترودارى يا غالى ولا تقبح
وبالمحبة دارى فضايح


وإوعى تقول إشمعنى و ليه


خليك للعشرة أمين ولا تخون الصاحب
وإتعب وإحتمل وأصبر
وإوعى فى يوم تحقر
الغلبان


خلى دايما فى قلبك وسعاية شفوقة
تواسيه وتعطيه
إوعى تسيبه محروم
.........
الوفا ياحبايب
غالى
حاسبوا لايوم تهينوه


طريق السلامة يا غاليين
وخليكوا فاكرين
كل خميس
لينا محطة
فيها نتقابل على خير
بابا سمير



لأن لى الحياة هى المسيح .. والموت هو ربح .
(فيلبى 21:1)