كل عيد حب وانتم طيبين
فى يوم الفلانتين كتير مننا بيبقوا حريصين يهنوا اللى بيحبوهم ..وفيه بيفكر يجيب هدية لحد بيحبه
سواء كان الحد ده شريك الحياة..أب ..أم ..أخ ..صديق
وفيه كمان بيقول : وأنا مالى ومال الكلام ده
بس عيد الحب زى أى مناسبة ماينفعش نعديها من غير مانستفيد منه او نطلع منه بحاجة...ده غير الهدية طبعا !!!
تعالوا زى ما ربنا علمنا ندخل للعمق شوية
هو عيد الحب قلوب ودباديب وبس؟ّ!
قبل ماتدى لحد هدية اسأل نفسك هل أنت فعلا بتديله بأعمالك الحب اللى يستاهله؟
ولما تاخد من حد هدية عاهد نفسك انك هتعمل أقصى ماعندك علشان تخليه مبسوط
تعالوا ندخل للعمق أكتر وأكتر....
ايه هو أعمق معانى الحب؟
الانجيل قالنا : " ليس حب أعظم من هنا " اللى هو ايه بقى؟ " أن يضع أحد نفسه عن أحبائه
يعنى أعمق معنى للحب....بذل وتضحية...عطاء مش أخذ
وهو ده اللى عمله معانا ربنا...ينفع بقى يعدى علينا الفلانتين من غير مانفتكر أكتر واحد حبنا وبذل نفسه علشانا
ياريت نتأمل فى محبته ونعاهده اننا هنعمل أقصى ما عندنا ونجاهد علشان نرد له ولو حاجة بسيطة من محبته وهديته لينا
وكمان ياريت نتعلم نحب بعض بالشكل اللى ربنا علمهونا ...بذل وتضحية
وهابى فلانتين داى مع يسوع
تــــم نقـــل هذا المنتدي إلي موقع آخــــر ... 
الخميس فبراير 13, 2014 10:35 am
