زوادة اليوم:
بيقلنا القديس برناردوس: "في المخاطر والحيرة والشدائد، عودوا إلى مريم وأدعوها، وإن أنتم إقتفيتم أثرها، فلن تضيعوا، أو إستغثتم بها فلن تيأسوا، أو تأملتموها فلن تضلّوا"
متل الطفل الزغير شو ما بدو بيعيط لأمو و شو ما صار معو بيتخبا بإمو. نحنا كمان عنا إم بالسما الله ما بيرفضلا طلب! كل المطلوب منا انو نصليلا و هيي احب صلا عا قلبا مسبحة الوردية و هون بدي احكي عن موضوع يمكن مش الكل رح يوافقني الرأي. كتير بستغرب كيف كل الناس عندا نص ساعة بالنهار تأرغل و تدخن و تحكي عالتلفون و تعمل رياضة و تعمل زيارات و تروح مشاوير و ما عندا وقت نص ساعة تا تصلي هالمسبحة! و الحجج شي شغل شي درس و الأحلى بيقلك ما عندي وقت! شو رأيك اليوم اذا للحظة فكرت بالمقلوب و انو انت عم تطلب شي من الله و يجاوبك بعتذر منك ما عندي وقت اسمعك و ساعدك... جربو لاقو نص ساعة صلو المسبحة فيا فرحو قلب مريم اللي بلا ما تطلبو منا ما بتترككن و بتساعدكن و بتتشفعلكن عند ابنها..
تــــم نقـــل هذا المنتدي إلي موقع آخــــر ... 
الأربعاء سبتمبر 17, 2014 8:19 am
