حبيبي ياااااااااعراق
مشكله الوطن مابي شعب مرتاح
ومشكله الشعب مايكدر يعوفه
احبك يا وطن لو بيك الف جلاد
وحبك لو جرح كتال ما اروفه
حبك نار بيه واشتعل بالنار
و روحي ملهوفه
تطيب جروح غيرك ياعراق الخير
وانت جروح كلبك لسه مكشوفه
حرامات الوطن ينزف مهج وارواح
وعاين على الفرات شسوه
شك روحه النهر وانتحرت جروفه
عدنا من الشجاعه امثال تلوه امثال
كلها ابشيمه موصوفه
وياحاتم زمانك والشعب جوعان
خاطر ماكسر فد يوم لضيوفه
يبو عيون الشهل خليني اسولف بيك
واحجيلك عليه شلون سالوفه
عشكتك بالزغر من طحت فوك الكاع
روحي من الطفوله وياك مشغوفه
حبيتك رغم كل الجروح البيك
وقبلت الجفوف الباست اجفوفه
واحلفك يا وطن تمسح دموع الناس
خطيه دموع شعبك تضل مذروفه
ارضك ياعراق ارتوت من دم رجالها
الله يكون بعونك ياااااااااعراق شراح يطيب جراحك
حبيبي ياااااااااعراق
تــــم نقـــل هذا المنتدي إلي موقع آخــــر ... 
الخميس أغسطس 28, 2014 2:10 pm
