الحب هالحرفين مش أكثر اللي بيطلعوا قد الدني واكبر
وعليهن تعمر اســـاس الكون أيا نبي بالحب ما بشـّـــــر؟
وعم بتسألي شو الحب يا أسمر
شو بيخلي الام تقضي الليل راكعة ع سرير طفل صغير
شو بيخلي البَي يحمل ويل ويتعب ويشقى ويعطي كثير
مين قوّى الضعيف الحيل وحنن على المحتاج كل كبير
الحب الحب الحب الحب
الحب خلى الوالدة تسهر
وخلى حنان البي يتفجر
وعم بتسألي شو الحب يا أسمر
الأرض لولا حبها للخير ما بتقبل معول الفلاح
وبتحمل الشجرة الثمر للغير ولما بتعطي شي سنة بترتاح
وبيحمل بثمه قــــش بيتة الطير
وبيجيب لفراخه من جناحه جناح
الحب الحب الحب الحب
الحب خلى الصخر يتكسر
بقبضة زنود العامل الأسمر
وعم بتسألي شو الحب يا أسمر
الحب يعني الكون يعني الناس يعني انا وانتي
يعني الوفا والصدق والاخلاص وعليه تكونتي
و لما قنديل المحبة ناص وبولا عاطفة كنتي
الحب يعني الذوق والاحساس وان شالله فهمتي
الحب هالحرفين مش اكثر
الحب بالمخلوق شـــو غيّر
شو رفّع شــــــو قدّم وأخر
وعم بتسألي شو الحب يا أسمر
الحب هالحرفين مش أكثر
تــــم نقـــل هذا المنتدي إلي موقع آخــــر ... 
الجمعة أغسطس 15, 2014 9:51 am
